Аб раёне
Ганцавіцкі раён размешчаны на паўночным усходзе Брэсцкай вобласці, працягласць з поўначы на поўдзень 48 кіламетраў, з захаду на ўсход - 70. Мяжуе з Лунінецкім, Пінскім, Івацэвіцкім, Ляхавіцкім раёнамі Брэсцкай вобласці, Клецкім і Салігорскім раёнамі Мінскай вобласці. Плошча раёна складае 1, 71 тыс. квадратных кіламетраў.
Большая частка тэрыторыі раёна знаходзіцца ў межах паўднёва-ўсходняй часткі Прыпяцкага Палесся. Паверхня раўнінная. Асноўная вышыня 150-160м.
Сярэдняя тэмпература паветра ў студзені - 5.3 °С, у чэрвені +19,4 °С. Ападкаў выпадае 616 мм у год. Вегетацыйны перыяд 186 сутак.
На тэрыторыі раёна працякаюць 5 малых рэк - Цна, Бобрык, Лань, Выдранка, Нач. Маецца 11 азёр, 5 вадасховішчаў, заказнікі рэспубліканскага значэння: гідралагічныя - "Выганашчанскае", "Падвялікі мох", біялагічныя - "Борскі", "Ялоўскі" і біялагічны заказнік мясцовага значэння - "Боркі". Помнік прыроды мясцовага значэння - хвоя веймутавай размешчаны ў Кругавіцкім лясніцтве.
Ёсць радовішчы мінеральнай вады, пясчана-жвіровага матэрыялу, будаўнічага пяску, паклады торфу, 95,8 тыс. гектараў - лясных угоддзяў. Лясістасць раёна складае 62,0 працэнта, асушана 39,1 тыс. гектараў. Пераважаюць пераважна хваёвыя, чорнаальховыя і бярозавыя лясы. 9, 5 тыс. га ў раёне займаюць балоты. Найбольшыя балотныя масівы - Падвялікі мох, Галь, Пятрова Паляна, Пусташ - Дабралуцкае.
Агульная плошча сельскагаспадарчых угоддзяў складае 49,4 тыс. гектараў, у тым ліку 23,4 тыс. гектараў раллі, 25,7 тыс. гектараў лугавых угоддзяў. Агульны бал раллі - 28,4. Землі сельскагаспадарчых угоддзяў: тарфяна-балотныя, дзярнова-падзолістыя, забалочаныя.
Тэрыторыя раёна падзелена на 8 сельскіх Саветаў: Дзяніскавіцкі, Любашэўскі, Люсінскі, Малькавіцкі, Начскі, Агарэвіцкі, Хатыніцкі, Чудзінскі.
Адміністрацыйны цэнтр раёна - г. Ганцавічы.
У раёне пражывае 24 774 чалавек, у тым ліку: 13 486 - у горадзе, 11 288 - у 36 сельскіх населеных пунктах. Нацыянальны склад насельніцтва:
беларусы - 95,6%
рускія - 2,2%;
палякі - 1.2%;
украінцы - 0, 6%;
іншыя нацыянальнасці - 0,4%.
Дзейнічаюць 26 рэлігійных арганізацый, у тым ліку 11 праваслаўных, 1 каталіцкая, 10 хрысціян веры евангельскай, 4 евангельскіх хрысціян баптыстаў.
ІНТЭРНЭТ РЭСУРСЫ
