Паважаныя
жыхары і госці Ганцавіцкага раёна,
хлебаробы
Брэстчыны!
Мы рады вітаць вас на абласным
фестывалі-кірмашы працаўнікоў вёскі «Дажынкі-2023», які заўсёды ўспрымаецца з
пачуццём асаблівага гонару і павагі да самай ганаровай прафесіі – прафесіі хлебароба.
Няпроста даецца хлеб. Вырасціць і ўбраць ураджай, зберагчы кожнае зярнятка –
над гэтым
з года ў год працуюць земляробы.
Ганцаўшчына – самабытны край,
са сваёй унікальнай культурай і прыродай. Тут жывуць таленавітыя людзі з
асаблівым стаўленнем да справы, да сваёй малой радзімы. Мы ўпэўненыя, шматлікія
госці свята адчуюць гэтую асаблівую мясцовую атмасферу. Амаль цэлы год
Ганцавічы рыхтаваліся
да гэтага дня: адрамантаваны вуліцы, дарогі, мадэрнізавана схема электрасетак,
абноўлены ўсе сацыяльна значныя аб'екты...
Вядома, зроблена шмат для Ганцаўшчыны, аднак яшчэ большая праца ў гэтыя летнія
месяцы кіпела ў палях. У перыяд уборачнай кампаніі ўсе намаганні былі
накіраваны на тое, каб як мага хутчэй і якасней сабраць ураджай з палёў.
Завяршэнне чарговай уборачнай кампаніі для
жыхароў нашага раёна, як і для ўсіх беларусаў, гэта вельмі значнае свята.
Аграрыі Ганцаўшчыны якраз з кагорты тых, хто, нават нягледзячы на абставіны,
прыкладаюць максімум намаганняў для таго, каб прыбраць усё, што вырасла на
палях. І сёння можна з упэўненасцю сказаць, што нашы хлебаробы справіліся са
сваёй задачай і ўсе мы будзем з хлебам!
За ўсімі лічбамі і дасягненнямі заўсёды
стаіць чалавек – працаўнік, хлебароб. Гарачая пара на ўборцы змянілася
асенне-палявымі работамі.
Наш раён прымае і ўшаноўвае лепшых
працаўнікоў першага рэгіёна – герояў жніва. Мы
рыхтаваліся да свята, у Ганцавічах працавалі практычна ўсе прадпрыемствы і
арганізацыі раёна. Усім ім сёння выказваем словы шчырай удзячнасці. Асобныя
словы падзякі кіраўніцтву Брэсцкай вобласці, у асобе губернатара Шулейка Юрыя Вітольдавіча, за аказаны давер і прадстаўленую магчымасць праводзіць свята
менавіта ў нас. Упэўнены, абласны фестываль-кірмаш «Дажынкі-2023» у Ганцавічах
стане значнай падзеяй у жыцці кожнага яго ўдзельніка.
Дарагія хлебаробы! Няхай родная зямля
радуе, няхай расце дабрабыт працаўнікоў вёскі, і ганаровая праца хлебароба
будзе ацэнена па заслугах. Жадаем усім вам поспехаў у вашай высакароднай і
стваральнай працы! Здароўя, дастатку, міру, шчасця вам і вашым сем'ям!
Ганцавіцкі раённы выканаўчы камітэт
Ганцавіцкі раённы Савет дэпутатаў
